[:kz]
Баян Алагөзова Мәскеуге аттанды. Соңғы күндері әлеуметтік желіде белсенді болып жүрген продюсер Кремльде түскен суреттерін жариялап, сұлулығымен елді таңдай қақтырды, деп жазады Stan.kz.
Баян Мақсатқызы «Қызыл алаңда» түскен суретін жариялады.
«Бұрын Оралдан Алматыға ата-анама келетінмін. Сонда «Қазақстан» қонақүйінің алдында міндетті түрде суретке түсетінбіз. Қысқасы, ауыл қызының комплексі әлі де ішімде бар, белгілі жерлерде тез арада суретке түсу керек», – деп бөлісті продюсер.
Одан кейін продюсер қысқа белдемше, ұзын жейде және жүрек пішіндес LV сөмкесін таққан образын көрсетті.
«Әдетте мен мұнша көп фото жарияламаймын. Суретке түскенді де ұнатпаймын. Бірақ менің жанымда Назым Ермекқызы, бұл бір сұмдық болды, ол менің артымнан қалмай, үнемі суретке түсіреді. Айтқанын орындағаннан басқа амалым жоқ, себебі ол қоймайды.
Бірақ фотограф ретінде талантты. Рас қой?”, – деп жазба қалдырды ол.
Продюсердің жазбасынан гөрі, көпшіліктің көзі оның сыртқы келбетіне түсті.
«Жап-жас қыз сияқтысыз», «Әже болатын адамға ұқсамайсыз», «Бірінші курс студенті сияқты», «Сондай сұлу әрі жассыз», «Мына Баян 50 жаста деп кім ойлайды, масқара, 20 жастағы қыз сияқты», «Ақ Баян сұлу ғой», – деп жазды оқырмандар.
[:]
