[:kz]
АҚШ билігі Иракқа қарсы санкцияларды АҚШ-тың осы елде болуына қатысты парламенттік қаулы қабылдағаннан кейін бастады.
Бұған дейін АҚШ президенті Дональд Трамп Бағдад американдық әскерлердің шығарылуын талап етсе, санкциялар мен көп миллиардтық шығындармен қорқытқан еді.
Шенеуніктердің айтуынша, егер санкция лар әлі де енгізілсе, онда Қаржы министрлігі мен Ақ үй оларда жетекші рөл атқарады. Алайда олар санкциялар туралы түпкілікті шешім әлі қабылданбағанын баса айтты. Ирак парламенті үкіметтен американдық әскерлердің шығарылуына қол жеткізуді талап етті. Осыдан кейін Трамп Иракқа Бағдадтың Вашингтонға қарсы «дұшпандық» әрекеттері жағдайында санкциялармен қорқытты.
Америка президенті Иракқа «олар бұрын-соңды көрмеген санкциялар салуға» дайын екенін атап өтті және американдықтар салған әуе базасы үшін төлем жасамайынша, АҚШ әскери күштері Ирактан кетуге ниетті емес екенін айтты.
Америка Құрама Штаттары бұған дейін Ирак пен Сириядағы шиіттердің Катаиб Хезболла тобының нысандарына соққы берген. Пентагон бұл әрекеттерді АҚШ азаматы қайтыс болып, төрт американдық солдат жараланған Киркук маңындағы Ирак базасындағы қозғалыстың шабуылына жауап ретінде жасалды деп түсіндірді.
Осыдан кейін, наразы шииттер Бағдадтағы Америка елшілігіне шабуыл жасай бастады. 3 қаңтарға қараған түні АҚШ Бағдадтың халықаралық әуежайының аймағында Иран армиясының элиталық бөлімшесінің қолбасшысы — Кудс арнайы күштері — генерал Касем Сүлеймени мен Ирактың шиит милициясы басшысының орынбасары Абу Махди аль-Мухандисті, Вашингтонда осы ұйымға қатысы бар деп санайтын адамдарды жою үшін операция өткізді.
АҚШ-тың Бағдадтағы елшілігіне шабуылдар 2019 жылғы 31 желтоқсанда болды. Иранның Жоғарғы Көсемі Али Хаменеи Сүлейманийдің өлімі үшін АҚШ-тан кек алуға уәде берді. Бағдад бұл шабуылдарды АҚШ әскери күштерін Иракқа орналастыру шарттарын бұзу деп бағалады.
alashainasy.kz/
[:]
