[:kz]
Дәрігерлер олардың қыздары бір жыл да өмір сүрмеуі мүмкін деді. Бірақ көп кешікпей қателескендерін түсінді.
Кішкентай Шарлотта Герсайдты алғаш көргенде дәрігерлер абдырап қалған. Қаттың таңданыс үстінде болған. Өйткені кішкентай ғана нәрестеге туабітті өте сирек кездесетін сырт келбет бұйырған. Тіпті, оған ұсас адамдарды әлемді шарлап іздесеңіз де саны онға жетпейді екен.
Дәрігерлерге бұл сәбидің болашағы бұлыңғыр боп көрінді. Ұзақ өмір сүрмейді деген шешім де шығарып қояды. Оның бойының ұзындығы – 68 см, ал салмағы 5 келіге де жетпейді екен. Бұған қарамастан, олардың пікірлері жоққа шыққандай. Өйткені Шарлотта жақында 5 жасқа толып, тіпті, бастауыш сыныпқа да барып үлгерді.
Шарлоттаның ата-анасы Скотт пен Эмманың бұдан үлкен үш қызы бар. Олар: Хлоя, Сабрина және Софи. Бір қызығы, олардың барлығы да қалыпты, аман-сау дүниеге келген.
Ол дүниеге келгенде кішкентай болғаны соншалық, ата-анасының оған қуыршаққа арналған киімдерді сатып алуына тура келеді. Қазірдің өзінде оның дене пішімі үй мысығымен шамалас көрінеді.
Бүгінде Шарлотта ата-анасының, әпкелерінің қолдауымен толыққанды өмір сүруде. Олар оған үнемі қамқорлығын көрсетіп, қасынан бір елі алыс кетпейді.
Кіп-кішкентай қыздың жүзіндегі күлкіні, бақытты басқамен салыстыра алмайсыз. Тылсым жаратылысына, денсаулығының әлсіздігіне, дәрігерлердің болжамына қарамастан, Шарлоттаның өмірі өте жақсы. Көпшілігімізге оның жақындарынан, ата-анасынан шыдамдылықты, сабырлылықты, махаббат пен сүйіспеншілікті үйренуіміз керек секілді.
ikerim.kz
[:]
