[:kz]
Аталмыш дәріхана дәрі-дәрмекті белгіленген шекті бағасынан бірнеше рет асырып сатқан.
Алматыда фармацевтикалық қызмет ережелері мен дәрі-дәрмектердің айналымы саласын бұзғаны үшін бір дәріхана жабылды, деп хабарлайды ҚазАқпарат сайты.
Алматы қаласының мамандандырылған ауданаралық әкімшілік сотында фармацевтикалық қызметпен айналысатын ЖШС-ға қатысты әкімшілік іс қаралды.
«Әкімшілік құқық бұзушылық кодексінің 426-бабының 1-бөлігі бойынша әкімшілік жауапкершілікке тартылған «A» ЖШС осы жылы дәрі-дәрмекті белгіленген шекті бағасынан бірнеше рет асырып сатқан. Серіктестік ҚР Денсаулық сақтау министрінің 2019 жылғы 15 шілдедегі «Бөлшек және көтерме саудада өткізуге арналған препараттың сауда атауының шекті бағаларын бекіту туралы» № ҚР ДСМ-104 бұйрығын бұза отырып, «Кардиомагнил» №100 препаратының 150 мг 2115 теңге бағасымен сатқан. Бұл факті 2020 жылғы 28 шілдедегі рейдтік тексеру кезінде анықталды», — делінген хабарламада.
«A» ЖШС «Әкімшілік құқық бұзушылық туралы» ҚР Кодексінің 426-бабының 2-бөлігі бойынша әкімшілік жауапкершілікке тартылып, фармацевтикалық қызметтік лицензиясын 1 ай мерзімге тоқтата тұру түріндегі әкімшілік жазаға тартылды.
Сот қаулысы заңды күшіне енген жоқ.
[:]
