[:kz]
Алматының бұрынғы әкімі Бауыржан Байбек пен қаланың қазіргі басшысы Бақытжан Сағынтаев оңтүстік астанада жасалған электравтобустың алғашқы жолаушылары болды. Бұл туралы Бауыржан Байбек өзініңInstagram парақшасында хабарлады деп жазады KAZ.NUR.KZ.
Фото: Instagram/baibekbk
Оның сөзінше, автобус қала көшелеріне алтыншы шілде күні шықпақ.
«Бүгін қала әкімі Сағынтаевпен бірге «Made in Almaty» электравтобусының алғашқы жолаушылары болдық» , — деп жазды Nur Otan партиясы төрағасының бірінші орынбасары.
Байбектің сөзінше, электравтобус тесттік режимде жұмыс істемек. Кейін оңтүстік астанада мұндай тағы он автобус пайда болады.
Оған қоса, қаланың бұрынғы әкімі жлектравтобус құрастырылған зауыттың басшылығы еуропалық инвесторлармен меморандумға қол қойғанын мәлімдеді,.
Бұл құжатқа сәйкес, жақында Алматыда көліктер үшін аккумуляторлы батареялар өндіріп шығаратын зауыт пайда болуы тиіс.
Сағынтаев пен Байбек жаңа автобуспен Рысқұлов-Құлжа тракті жолайырығына дейін жетті.
Бүгін ол жерде екі жақты қозғалысты ашты.
Сонымен қатар, олар Алатау ауданындағы құбырлар жасап шығаратын зауыттың бірінші цехін көріп қайтты.
Байбек Алматының индустриалды аумағында өзге елден инвестиция тартылып, 39 жоба іске асып жатқанына қуанды.
[:]
