[:kz]
Қызылордада балабақша директоры өзіне бағынышты тәрбиешіге екі қабатты зәулім үйін жинатып қойған деп хабарлайды NUR.KZ тілшісі.
Аты-жөнін атамауды сұраған тәрбиеші балабақшаға жұмысқа осыдан бір ай бұрын тұрған. Оның сөзінше, 45 жастағы мекеме бастығы таңнан кешке дейін үйін жинаттырып отырған.
«Бастықтың екі қабатты үйі бар. Моншасы, дәретханасына дейін жудыртып, ертесіне жұмысқа шақырып алатын. Қайтарда «жақсы» деп те айтпады. Үйге шаршап келетінмін.
Бір кезде суды төгіп алғанымда қатты ұрысты. Үйге қонағы келсе, даяшы құсап жүрдім. Жұмысты жай істесем, «дұрыс істе» деп жекіп ұрысатын», — деді қызылордалық келіншек.
Айтуынша, осындай қара жұмыстан кейін балабақшадан кетуге мәжбүр болған. Алайда, мекеме директоры жалақыны әлі күнге дейін төлемей жүр екен.
«Ертең еңбек инспекциясына арыз түсіремін. Егер осыдан кейін еш нәтиже шықпаса, директордың аты-жөнін көпшілікке жариялауға әзірмін», — деп уәде етіп отыр бұрынғы тәрбиеші.
[:]
