[:kz]
Шоу-бизнес саласындағы жас журналист Айдос Игіліков күйеуімен ажырасқан әншілерді сахнадан қууды талап етті. Оның айтуынша, ажырасқан әншілер бүгінде жас қыздардың феноменіне айналып бара жатыр деп жазады KAZ.NUR.KZ
Фото: instagram.com/aidos_turgan
«Күйеуінен ажырасқан әншілер бүгінде сахнаның «сәніне» айналды. Ел алдында билеп, ән салып, қыз ұзатып жүрген олардың өмірі жас қыздарға үлгі болып отыр. Соларды көрген жас бойжеткендер ажырасып кетсең де осылай жұлдызға айналуға болады деп ойлайды.
Шын мәнінде, олар жас ұрпақтың санасын улауда. Сол себепті, ажырасып кеткен әншілерді сахнадан қуып,
телеарна эфирлерінен аластату қажет. Бұл менің жанайқайым. Олар бізге үлгі болмауы қажет. Әрине, бұл жерде мен күйеуі қайтыс болған әншілерді есепке алмаймын. Ал ажырасқан әншілерді сахна мен тойда тайраңдатып қоймау керек», — дейді Айдос Игіліков.
Айта кетелік, жақында Айдос «Қалаулым» бағдарламасын жабуды талап еткен әзілкешке қарсы шыққан болатын.
Айдостың айтуынша, мұндай жеңіл-желпі дүниелердің кең таралуына басқа емес, өнер адамдарының өздері кінәлі.
Еске сала кетсек, белгілі әзлікеш Нұрболхан Шарапов «Қалаулым сен» мен «Қалауым live» жобаларын жабуды талап еткен болатын. Әзілкешті әнші Серік Ибрагимов та қолдаған.
[:]
