[:kz]
38 жастағы Дильназ Ахмадиева желіге сүйіктісімен түскен суретін жүктеп, елдің қызу талқысына түсті. Көпшілік әншіні ғашығынан әлдеқайда үлкен екенін болжады деп жазады KAZ.NUR.KZ.
Дильназ Ахмадиева жеке өмірін жасырын ұстауды қойып, сүйіктісімен түскен суреттерін Instagram желісіне жиі жүктейтін болған.
Анықталғандай, әншінің таңдауы Азильхан есімді жігітке түскен. Ол да шоу-бизнес саласында еңбек етеді. Дильназдың ғашығы әншілікпен қоса жүргізуші ретінде де танымал.
38 жасында жаңа бақытқа ие болған әншінің жеке өміріндегі өзгерісіне барлығы дерлік қуанбаған. Оқырмандар Ахмадиеваның сүйіктісіне қатысты екі түрлі ой білдірді.
Бірі жұлдызды жұптың аса жарасымды екенін айтып, өз ақ тілектерін білдірсе, енді бірі жігіттің Дильназға қарағанда тым жас көрінетінін жазуда.
«Өте әдемі жұп, тойдың күні алыс емес сияқты» , «Сондай бақытты екеніңіз көрініп тұр. Сіздің махаббатыңызды тапқаныңызға қуаныштымын» , «Құлпырып шыға келдіңіз. Сіз барлық бақытқа лайықсыз. Ұзағынан болсын» , «Жігітіңіз екеуіңіз жарасымды жұпсыздар. Тіпті ұүқсайтын сияқтысыздар» , «Бақытты болыңыздар, тезірек отбасылы және балалы болуларыңызды жазсын» , «Мына жігіті өзінен тым жас көрінеді» , «Ол сені пайдаланып жүр» , «Сенбей тұрмын, мына жігіт сізден кіші секілді» , — деп жазуда желідегілер.
Оған қоса, Дильназ Ахмадиева сүйіктісі мен оның анасына қатысты жағымсыз пікір қалдырған оқырманына жауап берген.
«Біріншіден, оның есімі Азильбек емес, Азильхан. Екіншіден, оның анасымен қарым-қатынасымыз жақсы. Сол себепті менің өмірімді қазбаламай, өз өміріңізді ретке келтіріңіз» , — деп жазды әнші.
Айта кетейік, Ахмадиева бұған дейін тұрмыста болған. Ол 2011 жылы Ахмад есімді кәсіпкерге тұрмысқа шығып, 2015 жылы ажырасып кеткен.
[:]
