[:kz]
Президент Қасым-Жомарт Тоқаев Қазақстанда 2020 жылдың жазында болған коронавирусқа қатысты жағдайдың қайталану қаупі жоғары екенін мәлімдеді, деп хабарлайды Stan.kz ақпарат агенттігі.
Бұл туралы ол 17 наурызда өткен Алматы қаласын одан әрі дамыту жөніндегі кеңесте айтты.
Тоқаев пандемия басталғаннан бері елдегі тұрақсыз эпидемиологиялық ахуал фактісін атап өтті. Президент бірқатар мемлекеттер коронавирустың жаңа штамдарынан туындаған үшінші толқынның өршуін мойындағанын хабарлады. Әлемде, оның ішінде Қазақстанмен көршілес мемлекеттерде де аурушаңдық өсуде.
«Қазір Алматы «қызыл аймақта», сондықтан біз осындай маңызды отырысты онлайн форматта өткізуге мәжбүрміз, бұл жағдайдың ауырлығын көрсетеді. Қазірдің өзінде ауыр науқастар санының өсуі және реанимациялық төсек-орындардың толуы байқалады.
Бұл ретте азаматтардың эпидемиологиялық сақтығының айтарлықтай төмендеуі, олардың тарапынан және бизнес тарапынан қырағылықтың жоғалуы байқалады. Жалпы ауруға тәуелділік бар. Демек, жазғы жағдайдың қайталану қаупі жоғары. Әрине, бәрі де дәрігерлер мен денсаулық сақтау жүйесіне байланысты емес, сондықтан мен тағы да отандастарымды ұстамдылықты жоғалтпауға, барлық санитарлық нормаларды сақтауға, коронавирусқа қарсы жаппай вакцинацияны қолдауға шақырамын», — деді президент.
[:]
