[:kz]
Шектеу шаралары 19 қазан күні сағат 7.00-ден бастап күшіне енеді.
Бүгін Алматы облысының бас санитар дәрігері Ерғали Сыдыманов карантинді күшейту жөніндегі жаңа қаулыға қол қойды, деп хабарлайды Аzattyq-ruhy.kz.
Қаулыға сәйкес, шектеу шаралары 19 қазан күні сағат 7.00-ден бастап күшіне енеді.
Енді аймақта 50 орыннан жоғары қоғамдық тамақтану нысандарының, атап айтқанда, мейрамханалар, кофехана, дәмхана, банкет залдары, асханалардың жұмысы тоқтатылады.
Сондай-ақ, бір отбасы мүшелерінен басқа, 3 адамнан астам топтың бас қосуына тыйым салынады. «Қазпошта» бөлімшелері, халыққа қызмет көрсету орталықтары мен банктер таңғы 9-ден кешкі 18.00 дейін жұмыс істейді.
Сонымен қатар, жасы 65-тен асқан кісілердің сыртқа шығуына шектеу қойылады.
«Қоғамдық көлікпен тасымалдау қызметі қарбалас кезінде 5 минутты арақашықтықтан аспауы үшін көлік саны артады», — делінген Қаулыда.
[:]
