[:kz]
Қасқырға ұқсас аңмен намаз оқыған ер адамның суреті әлеуметтік желіде тарап кетті. Адам сенгісіз таңғажайып оқиғаға Қарағанды облысында болған. Аудио жазбада иен далада намаз оқыған азаматтың қасына қасқырдың келгені айтылады деп хабарлайды KAZ.NUR.KZ.
Фото: KAZ.NUR.KZ
Фото: KAZ.NUR.KZ
Қасқырға ұқсас аңмен бірге намаз оқыған ер азамат Қарағанды облысына қарасты «Бала Қажы» мешітінің наиб имамы болып шықты. Аталмыш жағдайды мешіт имамы да растап отыр.
«Оқиғаның болғаны рас. Суреттегі кісі — менің наиб имамым. Жақында ғана еңбек демалысына шығып, ауылына кеткен еді. Оқиға екі-үш күн бұрын Ағадір станциясы маңындағы төбелердің үстінде болған. Наиб имам серуендеп далалықта жүргенде намазға тұрған. Қасқыр сол кезде келген», — дейді «Бала Қажы» мешітінің имамы Махмуд Нұрұлы
Ал наиб имамның өзі жыртқыштың Алланы тануы үлкен ғибрат екенін айтып отыр.
«Намаз оқып жатқан кезімде қасыма келді. Намаз біткенше күтті. Ол ит па қасқыр ма өзім нақты білмеймін. Ең бастысы — жыртқыштың ғибратқа келуі болды. Қасыма отырып намазға қатысты. Дұға қылып жатқанымда ол қарап тұрды. Осының барлығы елге ғибрат па деп ойлайсың. Жыртқыштың өзі Алланың барын біліп, құлшылыққа келіп тұр», — дейді «Бала Қажы» мешітінің наиб имамы Нұржан Құлмағанбетов.
[:]
