Екінің бірі шебер емес. Өзі қаққан шегені өзі суыра алмайтындар да бар. Ал Астана қаласында тұратын Сергей Цырульников деген жас жігіт ағашқа қағылған шегені тісімен суырады. Бұған сенетіндер де, сенбейтіндер де табылады.
Бұл туралы 24.kz арнасы хабарлады.
Талайды таңғалдырып, тісімен темірді де майыстыратын жігіт Республикалық «Ұланда» әскери қызметте екен. Ол кәдімгі жүздік шегерлерді де шыбық құрлы көрмейді. Саусағына тиген теміріңіздің сау тамтығы қалмайды (айтпақшы ол Ресей телеарнасы ұйымдастырып жүрген «Минута славы» телешоуына қатысып, ширек финалға өтіпті).
– Бұл өнерді үйренгеніме көп бола қойған жоқ. Бұрын қызығатынмын. Өнерді қолға алған соң, өзімді кәдімгідей рухани түрде тәрбиеледім. Өнер көрсеткенде көбі сенбей, келіп қолымды, тісімді тексеріп жатады, – дейді ол.
Сергей Цырульниковке кез келген жерде, тіпті циркте де өнер көрсетуге мүмкіндік мол. Өйткені ол қалаған мөлшердегі шегені ағашқы алақанымен де, қолының қырымен де қағып, оны тісімен қиналмай жұлып алады. Шиша сынықтарын аяғымен майдалап уату да оған түкке тұрмайды.
Ресей халқын қайран қалдырған азамат туралы өзіміздің аз білетіндігіміз өкінішті. Рекорд жаңартуға бел буған Сергей бүгінде Республикалық «Ұлан» қатарында спорт шеберлерін дайындайды. Олардың арасынан да шәкірттері
шығып жатса таңғалмаңыз.
http://www.aikyn.kz/
