Сүйіктісімен арадағы қатынастың үзілуінен үрейлену адам ағзасының қорғаныш қабілетін төмендетеді. Огайо университетінің ғалымдары махаббатпен байланысты күйзелістің адам денсаулығына кері әсер ететінін анықтады.
The Indian Express-тің хабарлауынша, зерттеушілер 85 жұп ерлі-зайыптының қарым-қатынасына, ұйқы сапасына, қан-сілекей үлгілеріне қатысты талдау жүргізген. Адамдардағы күйзеліс гормоны мөлшері мен қорғаныш жасушаларының саны өлшенді. Зерттеудің нәтижесінде сүйіктім тастап кетеді-ау деп қорқып жүрген адамдардың бойында кортизол гормоны деңгейінің орташа мөлшерден 11%-ға жоғары болғаны, ал ағзаны инфекциядан қорғайтын Т-жасушалардың 22%-ға азайғаны белгілі болды. Сол себепті ғалымдар мұндай күйзеліс кезінде иммунитетті жақсартуды естен шығармауға кеңес береді.
http://alashainasy.kz/world/40304/
