Астана. 14 сәуір. Baq.kz – Мемлекет басшының капиталға рақымшылық жариялау туралы жақында өткен Ұлттық инвесторлар кеңесі отырысында көтерген бастамасы, өз ақшаларын шет елдерге сақтап отырған бизнесмендер үшін ғана емес, жалпы ел экономикасы үшін де аса тиімді, — деп санайды талдықорғандық экономист-ғалымдар.
Олардың пікірінше, мұндай шешім, әсіресе, дәл бүгінгі күні әлемнің бірқатар мемлекеттерінде болған саяси және экономикалық күйзелістер кезінде өте өзекті.
Тоғжан Мусина, І. Жансүгіров атындағы ЖМУ экономика кафедрасының аға оқытушысы:
— Егер сыртқы ақшаларды өзіміздің ішкі нарыққа тартатын болсақ, ол бірінші кезекте Мемлекет үшін екінші кезекте бизнесмендер үшін және үшінші кезекте қоғам үшін халық үшін өте тиімді болады деп ойлаймын.
http://baq.kz/kk/news/45822
