АСТАНА. 19 ақпан. Baq.kz — Ведомствааралық топ сәуір айына таман әйелдер мен ер адамдардың зейнеткерлік жасын сәйкестендіру мәселесіне қатысты шешімдерін Үкіметке ұсынатын болады. Бұл туралы ҚР премьер-министрінің орынбасары Қайрат Келімбетов мәлімдеп отыр.«Бүгінгі күні зейнеткерлікке шығу жасын әйелдер мен ерлер зейнеткерлікке бір мезгілде — 63 жаста шығатындай етіп сәйкестендіру мәселесі талқылануда. Мәселе «зейнеткерлікке 63 жасында нешінші жылы туған әйелдер шығады?», «бұл жинақтаушы жүйеге (зейнетақы жүйесі) қатысушы әйелдерге ғана қатысты ма, әлде ерікті жинақтауды таңдаған әйелдерге қатысты ма?» деген сияқты сұрақтар төңірегінде өрбіп отыр. Осы мәселелерді құрамына ҚР Еңбек және халықты әлеуметтік қорғау министрлігі мен Ұлттық банк кіретін ведомствоаралық топ белсене талқылауда», — дейді үкімет басшысының орынбасары «Интерфакс-Қазақстан» агенттігіне берген сұхбатында.
http://baq.kz
