Қытайда құрамында резеңке бар жасанды күріш өндірілді. Картоп пен жасанды резеңкеден өндірілген бұл күріш қазір Қытайдың Шаньси провинциясындағы базарларда сатылып жатыр екен.
Қытайлық баспасөз құралдары аталмыш жасанды күріштің нағыз күрішке қатты ұқсайтындығын жазуда. Алайда сарапшы мамандар резеңкесі бар күріштің адам денсаулығына кері әсер ететінін айтқан. Сарапшылар мұндай жасанды дақылды жеу полиэтилен жегенмен бірдей екендігін ескертті. Қытайда өндірілген жасанды әрі қауіпті өнім Индонезия, Үндістан, Вьетнам елдеріне де жөнелтілген көрінеді. Бірақ бұл ақпаратты аталмыш мемлекеттер растаған жоқ.
http://turkystan.kz/
