[:kz]
Министрлік қалайда халықты екпе алуға мәжбүрлеудің жолдарын қарастырып жатыр
Қазақстанның денсаулық сақтау министрлігіндегілер екпе егілмеген балаларды мектепке кіргізбеуді ұсынды, деп жазды
Ведомстводағылар вакцинадан бас тарту мәселесін заңнамалық деңгейде шешу керек деген пікірде.
Денсаулық сақтау министрлігінің вице-министрі Ләззат Ақтаева вакцина салынбаған балалардың мектеп ұжымы үшін үлкен қауіп төндіретінін айтты.
Ол түсіндірме жұмыстарын жақсартып, балалардың денсаулығы үшін жауапкершілікті арттыруды ұсынды. Оның пікірі ведомствоның Facebook желісіндегі ресми парақшада жарияланды.
Денсаулық сақтау министрлігіндегілер жыл сайын Қазақстанда инфекциялық ауруларға қарсы бес миллионнан астам адамның, оның ішінде 1,3 миллион баланың вакцина салдыратынын хабарлады.
Министрліктің мәліметінше, биыл екі мыңнан астам вакцина салдырудан бас тартқан. Ведомстводағылар ұлттық вакцина салдыру күнтізбесінің Дүниежүзілік денсаулық сақтау ұйымының талаптарына толықтай сәйкес келетінін айтып сендіріп отыр.
[:]
