[:kz]
Павлодарлық тұрғын өрт сөндірушілерге есік ашпай қойды, деп хабарлайды Stan.kz ақпарат агенттігі.
Көп қабатты үйдің тұрғыны пәтеріндегі өрт туралы шақыртуға келген өртсөндірушілерге есік ашудан бас тартты. Оқиға орнында түсірілген бейнежазба Instagram желісінде тарап жатыр.
«Бұл өрт сөндірушілер! Есікті ашыңыз!» — деп ТЖҚ қызметкері домофон батырмасын басып, екі рет қайталайды. «Өрт кімнің үйінде, есікті сол ашады», — деп жауап береді пәтерлердің бірінің тұрғыны.
Павлодар облысы ТЖД баспасөз қызметі бейне өрт сөндірушінің арнайы камерасына жазылғанын хабарлады.
«101» пультіне Құдайбердиев көшесіндегі он қабатты үйдің №15 пәтерінде өрт шыққаны және қыздардың қамалып қалғаны туралы хабарлама келіп түсті. Келген соң №3 өрт сөндіру бөлімінің қарауыл бастығы Қайрат Бексейітов пәтер нөмірін терген. Алайда, интеркомға жауап берген ер адам кіреберістің есігін ашудан бас тартты. Өрт сөндірушілер үйге кірді, бірақ иіс, өрт және түтін болған жоқ», — деп түсіндірді облыстық ТЖД баспасөз қызметі.
[:]
