[:kz]
Желіде қара нәсілді қыздың басына ақ орамал тағып, күйеуі мен оның туыстарына шай құйып жүрген видеосы жарияланды
Қара нәсілді қыздың қазақтың салт-түрін сақтап, күйеуі мен оның туыстарына шай құйған сәті әлеуметтік желіде қызу талқыға түсті.
Instagram әлеуметтік желісіндегі ztb_video парақшасында қара нәсілді қыздың басына ақ орамал тағып, күйеуі мен оның туыстарына шай құйып жүрген видеосы жарияланды. Келіннің орысша түсінбейтіні айтылады. Видеодан келіннің қазақтың салт-түрін сақтап, күйеуінің әкесіне шай берген сәтін көруге болады. Бұл желі қолданушылары арасында қызу талқыға түсті.
«Жақсы келін болатыны көрініп тұр. Әдемі екен. Күйеуінің талғамы жоғары болғаны ғой», — деп жазды желі қолданушысы.
Ал енді бірі: «Маңыздысы күйеуін сүйіп, оның ата-анасын сыйласын. Ал оның түр-түсі маңызды емес», — дейді. Алайда кейбір желі қолданушылары видеодағы оқиғаның шынымен болғанына сене алар емес.
[:]
