[:kz]
Оппозиционер Валерий Цепкало жаңа бастамасын айтты. Ол Александр Лукашенконы ұстауға көмектесетін жоба жасады деп хабарлайды «Адырна» ұлттық порталы Vashno.ru сайтына сілтеме жасап.
Цепкало беларустарды Лукашенкоға кісен салатындарға сыйақы беруге шақырды. Қажетті қаржы көлемі — 11 миллион еуро.
Оның айтуынша, жаңа технология жақсы ойластырылған — «бірінші қылмыскер» қамауға алынғанға дейін ақша адамдардың есепшоттарында қатып қалады. Осыдан кейін ғана қаражат ЕО-да тіркелген шотқа аударылады, одан ақша осы бизнесті жүргізгендерге жіберіледі.
YouTube-те жарияланған жолдауында ол билік өкілдері арасында лайықты адамдар бар екеніне сенімді екенін, олар үшін «халыққа қызмет ету бос сөз емес» деп мәлімдеді.
Өз сөзінде Цепкало Лукашенконы сайлаудағы алаяқтығы және «адамзатқа қарсы қылмыстары» үшін айыптады. Оппозиционердің пікірінше, қоғам оның кейбір әрекеттері туралы әлі де білмейді.
Еске салайық, Цепкало 2020 жылдың жазында Беларуссияда өткен сайлауда президенттікке таласқысы келді. Алайда ол үміткер ретінде тіркелмеген.
Цепкало полицияға оны тұтқындау туралы бұйрық берілгенін білгеннен кейін Польшаға кеткен болатын.
«Адырна» ұлттық порталы.
[:]
