[:kz]
ҚР Халық артисі, әнші Мақпал Жүнісова Қырғызстанның мәдениет және өнер университетінің «Құрметті профессоры» атағына ие болды. Қуанышты жаңалығымен әнші әлеуметтік желіде бөлісті, деп хабарлайды Express Qazaqstan.
Бұл күндері Қырғызстанда Қазақстанның мәдениет күндері өтіп жатыр. Осы шара аясында Мақпал Жүнісова Қырғыз Мемлекеттік мәдениет және өнер университетінің «Құрметті профессоры» атағына ие болды. Желі қолданушылары әншіні профессор атануымен жарыса құттықтады.
Профессор атағыңыз құтты болсын! Еңбегіңіз бағалана берсін!
Сондай-ақ профессор атағын танымал опера әншісі Майра Мұхаммедқызы да алды. Ол Қырғыз ұлттық консерваториясының «Құрметті профессоры» атанды. Қырғызстанда өткен шарада Роза Рымбаева, МузАРТ тобы, Жұбаныш Жексенұлы ән салды.
[:]
