[:kz]
Әлемге аты әйгілі Димаш Құдайбергеннің жеке әтірлер желісі жарыққа шықпақшы. Франциялық парфюмерлер қазақстандық әншіге арнап иіссу жасаған деп хабарлайды KAZ.NUR.KZ.
Бұл туралы мега-жұлдыздың өзі Instagram парақшасында мәлім етті.
«Кешкі қоңыр самалдан музыка жұпары сезіледі…», — деп Клод Дебюссидің сөзінен үзінді келтірген Димаш бұл дүниенің ғажабын тек музыкамен емес керемет жұпармен де сезінуді армандағанын жазды.
«Менің қиялыма қанат байлап, ойымның жүзеге асуына көмектескен франциялық керемет парфюмерлер «DQ Scent of Music» ғажайып әтірлер желісін жасап шығарды!
Біз 2 қазан күні баршаңызға шығармашылық ізденісіміздің жемісін ыстық ықыласпен ұсынамыз және сіздердің пікірлеріңізді, әділ бағалауларыңызды асыға күтетін боламыз!», — дейді әлемдік әнші.
[:]
