[:kz]
Интернетте мыңдаған ауған босқындарының Қазақстанға келуіне дайындық туралы құжат таратылуда, деп хабарлайды Stan.kz ақпарат агенттігі.
Төтенше жағдайлар министрлігі оқиғаның мән-жайын түсіндірді.
Құжатта Алматы, Жамбыл, Түркістан, Қызылорда, Маңғыстау және Шығыс Қазақстан облыстарының әкімдіктері «босқындарды орналастыратын орындар туралы ақпарат беруі тиіс» делінген.
«Бұл, негізінен, дайындық жұмыстары, жоспарланған жұмыс. Егер біз басқа елдерден сұраныс алсақ және мемлекет басшылары деңгейінде бұл елге көмек көрсету туралы шешім қабылданатын болса, онда ТЖМ оларды қабылдауға дайын болуы керек. Бұл сол жоспарланған жұмысты орындауға бағытталған дайындық. Мұны Ауғанстаннан келетін босқындарды қабылдауға дайындық ретінде қабылдауға болмайды”, — деді төтенше жағдайлар министрлігінің ресми өкілі Талғат Уәли.
[:]
