[:kz]
Көптен бері көрінбей кеткен әнші Рүстем Нұржігіт мәнсіз түсірілімдерге қатысқысы келмейтінін айтты. Ол фонограммамен ән айтатын жерлерге шықпайтынын атап өтті. Сондай-ақ, 44 жасында немерелі болған Нұржігіт отбасындағы қуанышты жаңалықтарымен бөлісті, деп хабарлайды Stan.kz ақпарат агенттігі Hit-TV арнасының «Менің өмірім» бағдарламасына сілтеме жасап.
Әншінің үлкен қызы жуырда тұңғышын босанған. Осылайша 44 жастағы Рүстем немерелі болып, «ата» статусына ие болғанын айтады.
Рүстем Нұржігіт жеке өмірін жария етпейтін жұлдыздардың қатарында. Тек бұл жолы әнші екі рет үйленгенін ашық айтты.
«1995 жылы бір рет үйлендім, бір себептермен ажырасып, кейін басқа жанұя құрдым», — дейді ол.
Әншінің бірінші некесінен бір қызы, ал екінші некесінен бір ұлы өсіп келеді. Айтуынша, бірінші жұбайымен араласпайды. Есесіне қызымен арасы ажыраған емес.
«Қызым 25-тен асты. Жақында сәбилі болды. Өзім балажанмын. Ажырасқанымызбен, қызыммен арамыз үзілген емес. Қазір барлық жұмысым, назарым бір адамда. Ол менің кенже ұлым. Соны оқытып-тоқытып, бағып жатырмын.
Ал қызымның анасымен араласпаймын. Тұрмысқа шыққан, шықпағанын білмеймін. Тек «сәлем», «сау бол». Оның өзінің жеке өмірі бар. Бірақ сәлеміміз түзу. Өйткені қызымның анасы», — дейді Рүстем Нұржігіт.
Әнші осыдан 11 жыл бұрын екінші рет отбасын құрғанын айтады. Бүгінде артынан ерген атұстары 8 жаста. Ал жұбайы телевизия саласының маманы.
[:]
