[:kz]
Мейлі түсіріліп жатыр ғой, жасырмаймын. Менде ондай оқиға бір рет болған. Кейін өзімді көрген кезде жерге кіріп кете жаздағам.
«Нысана» әзіл-сықақ театрының актері Дәнекер Оразбай сахнаға спирттік ішімдік ішіп шыққанын жасырмады. Қызу күйінде өнер көрсеткен ол кейін қатты өкініп, ұялғанан өзін қоярға жер таппаған, деп жазады «Ел аузында» бағдарламасына сілтеме жасаған Skifnews ақпарат порталы.
Дәнекер Оразбай ішімдік ішкен күйінде сахнаға шыққанын көріп, жерге кіріп кете жаздаған.
«Жоқ, мен ондайға өте қарсымын. Мейлі түсіріліп жатыр ғой, жасырмаймын. Менде ондай оқиға бір рет болған. Кейін өзімді көрген кезде жерге кіріп кете жаздағам. Сол жерде ойнап, қырып жатырмын деп ойлағанмын. Бірақ, олай емес. Тіл күрмеленеді, адам ойына келгенін айта бастайды. «Мен ол жерде кішкене ғана, мас болатындай емеспін ғой» деп ойлағанмен, ол қате. Мысалы, кішкене ұрттасаң да рульге отырмайсың ғой. Сол сияқты сахна да киелі. Сол себепті, мен ішімдік деген нәрсеге мүлдем қарсымын», — деп ақталды Дәнекер Оразбай.
[:]
