[:kz]
Қарағанды облысының тұрғыны 14 жастағы қызына такси жүргізушісі шабуыл жасағанын айтып шағымданды. Көлік жүргізушісі қызды көлік орындығын дымқыл еткені үшін ұрған. Қыз достарымен бірге жағажайдан қайтып келе жатқан, деп хабарлайды Stan.kz ақпарат агенттігі Информбюро жаңалықтар қызметіне сілтеме беріп.
София Горбатенко 26 мамырда төрт құрбысымен суға түсіп, үйге қайтып келе жатқан. Қыздар такси шақырған. Осылайша орындықтары су болып қалғаны үшін жүргізуші қатты ашуланған.
“Ол менің шашымнан ұстап алды. Су болған орындық үшін, ауысым үшін 10 мың сұрай бастады. Менде ондай ақша болған жоқ. Қорыққаннан мың жарым теңгені бердім. Қолымдағы телефонды көріп, тартып алды”, – дейді жәбірленуші София Горбатенко.
Анасының айтуынша, София үйге үсті-басы көгеріп келген. Олар көгерген іздерді тіркетіп, полиция шақырған. Такси жүргізушінің нөмірін беруден бас тартқан. Ол кешке өзі келіп, кешірім сұраған. Қалай ашуланып кеткенін білмей қалғанын айтқан.
Такси қызметі жүргізуші оларда бір ай жұмыс істегенін, көлікті жалға алғанын айтты. Жұмысқа орналасу кезінде барлық анықтамаларын сұратқан.
“Жүргізуші енді жұмыстан босатылады, өйткені бұрынырақ білгенде, жұмыстан шығарар едік. Оның көлігі алынады. Қарағандыдағы барлық автопарктерге оған қатысты теріс мінездеме бере аламыз”, – деді «Бауырсақ» такси паркінің басшысы Ләззат Мұстафина.
Мұндай жағдайлардан ешкім сақтандырыла алмайды, дейді такси жүргізушілерінің гильдиясы.
Психиатр мен наркологтардан анықтаманы тек такси фирмаларынан көлікті жалға алатын жүргізушілер сұрайды.
Қалғандары тек диспетчерлік қызмет көрсетеді. Егер такси қызметі агрегатор болса, онда онлайн режимінде жеке куәлік, жүргізуші куәлігі және тіркеу куәлігі ғана сұралады.
“Бұл жұмыстың ерекшелігі, ұзақ уақыт көлік жүргізгеннен үнемі күйзеліске ұшырау мұнда қалыпты нәрсе”, – дейді Қазақстан кәсіпкерлері қауымдастығының таксилер гильдиясының төрағасы Виктор Шабанов.
Бұл да әлеуметтік мәселе дейді мамандар, жалақының аздығынан тұрғындардың демалу мен ұйықтау уақыты қысқарып, таксиде жұмыс істеуге мәжбүр. Сондықтан жүргізушіден тәжірибесінің, келісім-шартының, анықтамаларының, жеке кәсіпкер мәртебесінің болуы да жолаушылардың қауіпсіздігіне кепілдік бермейді.
[:]
