[:kz]
Қазақ эстрадасында өзіндік орны бар әнші Нағима Есқалиева болашақ келініне қояр талабымен бөлісті. Өнер иесі бүгінде жалғыз ұлы Диас Аблаевты үйлендіре алмай әлек. Шоу-бизнес жұлдызы әже бақытын сезінгісі келіп жүргенін жасырмады деп жазады KAZ.NUR.KZ «TalkLike» бағдарламасына сілтеме жасап.
Фото: видеодан кадр/Instagram/dias_ablayev. Коллаж: KAZ.NUR.KZ
Есқалиева өз отбасына келін болып түсетін арудың бойында қандай қасиеттер болу керектігіні еш бүкпесіз айтты.
«Жақсы қыз болу керек. Таңертен сыра болатын болсын. Тоңазытқышта шарап тұру керек. Сосын, «мама» деп айтып, үнемі енесінің қасында болатын келін керек. Болды», — дейді әнші.
Оған қоса, эстрада өкілі ұлы 33 жасына дейін бірде-бір қызды алып келіп таныстырмағанын жеткізді.
«Осы 33 жасында оның қасында бір қызды да көрмедім. Оның ғашық болған қызын да көрмедім. Негізі, ер адамдар болашақта өз анасына ұқсайтын аруды іздейді. Ал мен сияқты «ақымақты» қайдан табады? Ондай деген жоқ. Сондықтан оған қиындау. Сол сияқты Әли Оқапов. Анасы ұқсағанын қалайды. Ең бастысы, үйленсе болды» , — дейді Есқалиева.
Ал сүрбойдақтар қатарында көш бастап тұрған Диас Аблаев әлі өмірлік серігін кездестірмеген.
«Өкінішке орай, әзірге жолықтырмадым. Қашан ғашық боламын, сол кезде үйленемін. (…) Бақытты әрі тыныш өмір сүргім келеді» , — дейді ол.
Айта кетейік, бұған дейін Нағима Есқалиева Бақыт Шадаеваның 50 жас мерейтойына барып, оның қуанышын бірге бөліскен болатын.
[:]
