[:kz]
Мемлекет басшысы Қасым-Жомарт Тоқаев Сыртқы істер министрлігінің ұлттық мүдде жолындағы жұмысына көңілі толмайтынын айтты, деп хабарлайды Express Qazaqstan.
Қазір Қазақстанның сыртқа бағытталған жұмысында біртұтас жалпы мемлекеттік стратегия жоқ. Бұл — жүйелі сипаттағы мәселе. Сыртқы істер министрі Үкіметте ерекше мәртебеге ие болып, премьер-министрдің орынбасары деңгейіне көтерілді,
«Осыдан соң көптеген кемшіліктер кетеді. Оның үстіне ұлттық мүддені қорғайтын кезде тиімді жұмыс атқарылмайды. Мысалы, қазір Жайық өзені тартылып барады, Қазақстаннан жолдаған жүк Қытай шекарасында тұрып қалды. Біздің кәсіпкерлеріміздің көрші елдердің нарығындағы мүддесі ойдағыдай қорғалмай отыр. Осындай келеңсіздіктер халықтың тұрмыс сапасына және көңіл-күйіне кері әсер етеді», — деді Президент.
Ол осы ретте Сыртқы істер министрлігі мекеметаралық үйлестіру жұмысын тиімді атқаруы керектігін еске алды. Өйткені мемлекеттік аппарат ішіндегі байланыс, өзара ықпалдастық әлсіз екен. Жекелеген мекемелердің мүддесіне басымдық беріліп жатады. Бұл біраздан бері жалғасып келе жатқан теріс үрдіс деп айтты Президент.
[:]
