[:kz]
Карантин уақытында әркім сүйікті ісімен айналысуды әдетке айналдырды. Кей әншілер халықты қолдап, онлайн концертін берді. Ал, Жанар Айжанова онлайн концертін ақылы түрде өткізбек деп жазады Stan.kz ақпарат агенттігі.
Бұл туралы әншінің өзі желідегі парақшасында хабарлады.
«Сіздер мені көндірдіңіздер. Мен карантин кезінде концертімді берейін деп шештім. Онлайн-концерттің бағасы 3000 теңге. Оны картаға жіберіп, түбіртегін көрсетесіз. Сол арқылы концерт тамашалай аласыз», — деді әнші.
Әншінің айтуына қарағанда, желідегі тыңдармандары концерт беруін сұрап өтінген секілді.
Бұған дейін Роза Рымбаева, Әлішер Кәрімов, Абай Бегей, Бағлан Әбдірайымов тағы да басқа әншілер халықтың көңілін көтеру үшін жанды дауыста ән айтып, видеосын жүктеп жатты. Мәселен, күні кешек халықтың ерке әншісі Мақпал Жүнісова Болат Сыбановтың әнін шырқап, тыңдарманының көңілін көтерді.
Бұған желі қолданушыларының бірі оң қарайтынын айтса, енді бірі қарсылығын білдірді.
«Мақпал апай керемет!Тыңдап шықтым. Артынан айтқан сөзіңіздіде тыңдадым. Алла амандығын берсін!», «Мақпал апай сіз неге мектеп ашпайсыз Домбыра мектеп үйірмесің неге ашпайсыз Домбыра мен ән айтатың», «Әумин айтқаныңыз келсін! Сізге де бар жақсылықты тілейміз! Алланың назарында бақыттың базарында жүре беріңіз!», деп жұрт ризашылыңын білдірді.
[:]
