[:kz]
Павлодарда жасөспірімді аяусыз ұрып-соққан күдіктілер анықталды. Оқиғаға қатысушылардың бірі қамауға алынды, деп хабарлады Павлодар облысы полиция департаментінің баспасөз қызметі.
Құқық қорғау органдарының мәліметінше, 19 жастағы облыс тұрғыны Павлодардағы уақытша ұстау изоляторына қамалды.
«Екіншісіне қатысты оның кәмелетке толмағанын ескере отырып (17 жас) ескерту шарасы қолданылды — бұл жерден кетпеу туралы қолхат алынды. Тергеу жалғасуда», — деді полиция департаментінің баспасөз хабарламасында.
WhatsApp мессенджерінде тараған төбелес видеосының қатысушылары анықталды.
Аталған оқиға бойынша сотқа дейінгі тергеу амалдары жүргізілуде, ол Қазақстан Республикасы Қылмыстық кодексінің бұзақылық жасаған адамдар тобында адам өлтіруге оқталу әрекеттері бойынша жүргізіліп жатыр.
Сонымен қатар, Қылмыстық кодекстің 313-бабы «Қатыгездік пен зорлық-зомбылықты насихаттайтын жұмыстарды заңсыз тарату» бойынша бейнежазба жасаған адамдарға қатысты сотқа дейінгі тергеу басталды. Оған 2 мың АЕК мөлшерінде айыппұл салынады — 5,5 миллион теңгеден астам, немесе екі жылға дейінгі мерзімге шектеу немесе бас бостандығынан айыру жазасы қаралған.
Полиция 7 шілдеде 18 мен 19 жас аралығындағы екі жас арасында жанжал шыққанын, олар төбелеске ұласқанын анықтады. Осы факті бойынша жәбірленуші полицияға және медициналық көмекке жүгінбеген.
[:]
