[:kz]
Белгілі әнші Қайрат Нұртастың жұбайы Жұлдыз Абдукаримова «Әлем ханымы-2020» байқауына қатыспақ Бұл туралы ол Instagram желісіндегі ресми парақшасында жазды, деп хабарлайды «Адырна» ұлттық порталы.
«Құпияны ашатын уақыт келді. Биыл “Әлем ханымы-2020” байқауында Қазақстанды таныстырамын. Бұл – сыртқы сұлулықтың ғана емес, ішкі құндылық пен ақылдың әдемі үйлесім тауып, нәзік әлемді айшықтай түсетін байқау. Басты мақсаты — әлемнің әр түкпіріндегі әйелді қолдау. Пандемия салдарынан биыл байқау онлайн өтеді. Сондықтан 1-24 желтоқсан аралығында сайтта дауыс беру жүреді. Ел абыройы үшін бәріміз бірігіп жеңіске қадам жасайық. Қазақ қыздары мен әйелдерінің табиғи сұлулығын әлемге мойындатайық»,-деді ол.
Сондай-ақ, Абдукаримова Қазақстанның ғана емес Орта Азияның да намысын қорғайтынын атап өтті.
«Құрметті менің Қырғызстандағы, Өзбекстандағы, жалпы Орта Азиядағы оқырмандарым! Маған сіздердің де қолдауларыңыз ауадай қажет»,-деп сөзін қорытындылады актриса.
«Адырна» ұлттық порталы
[:]
