[:kz]
Нұр-Сұлтан қаласында құны 15 млн 500 мың теңге тұратын пәтерді перзентханадан таяуда ғана шыққан Алина есімді келіншек ұтып алды. Бір қызығы, оның күйеуі — Нұрсұлтан 2017 жылы Ұлттық гвардияның сарбазы болып жүргенде елорда көшесінен 5 млн теңге тауып алып, иесіне табыстаған деп хабарлайды KAZ.NUR.KZ.
Фото: Instagram/nursultan_alina
Оның сөзінше, Дәулет Мұқаев деген журналисттің ұтысын, перзентханадан таяуда ғана шыққан келіншек ұтып алған.
Нұрсерік Жолбарыс пәтер бағасының 15 млн 500 мың тұратындығын атап өтті.
Желі оқырманы елордалық келіншектің лотерея билетін сатып алғанын күйеуіне айтпағанын жеткізді.
«Күйеуі естіп қуанып жатқан шығар. Бір қызығы, күйеуі — Нұрсұлтан 2017 жылы Ұлттық гвардияның сарбазы болып жүргенде елорда көшесінен 5 млн теңге тауып алып, иесіне табыстаған. Міне, енді сол адал ниеті, дұрыс қадамы Нұрсұлтанның отбасына үш еселеніп қайтты. Ниетіне қарай берген баспанасының құтты мекен болуына тілекшімін», — деді ол.
[:]
