Қырғызстанда қашқын тоғыз экстремистің біреуі Бақыт Кенжеғұлов түрмеде 21 қазанға қараған түні көз жұмды. Бұл туралы Tengrinews.kzтілшісіне ҚР Жазаны өтеу мемлекеттік қызметіндегілер (ЖОМҚ) хабарлады.
Қылмыскер №47 түзеу колониясында сотталған науқастарды оқшаулау учаскесінде қайтыс болды. Кенжеғұлов ол жерге кеше ауыр халде жеткізілген. Дәрігерлер жүрек — тамыр және тыныс алу жетімсіздігі деген диагноз қойды. ЖОМҚ мамандарының мәлімдеуінше, ол ұсталғаннан кейін Бішкек түрмесінің бір адамға арналған камерасына қамалған. Бұл дерекке қатысты қызметтік тергеу жүріп жатыр.
Бақыт Кенжеғұлов 2013 жылы 16 шілдеде сотталған, оны Октябрь аудандық соты бес бап бойынша айыпты деп танып, өмір бойына бас бостандығынан айырып, мүлкін тәркілеген.
Еске сала кетейік, 12 қазанға қараған түні Қырғызстанда 9 адам колонияның үш қызметкерін өлтіріп, түрмеден қашып кеткен. Олардың бесеуі айналма жолда ұсталды. Түрмеден қашқан төртеудің екеуі өмір бойына бас бостандығынан айырылған болса, екеуі тергеуде екен. Іздеудегілер экстремизм мен терроризм үшін қылмыстық жауапкершілікке тартылғандар. Төменгі Нооруз ауылындағы №50 түзету мекемесінен қашқандар заңсыз деп танылған «Жайшул-Махди» партиясының өкілдері болған.
http://kaz.tengrinews.kz/
