Қытайда өлі деп танылған сәби дәл кремациялау алдында тіріліп кетті. Бала мәйітхананың мұздатқыш камерасында бір тәулікке жуық болған, деп жазады The Independent. Ұл бала 8 қаңтар күні Чжэцзян провинциясында мерзімінен екі ай бұрын дүниеге келген екен. Ата-анасы дәрігерлердің айтқанына құлақ аспай, баланы инкубатордан алып кеткен. Екі күн өткеннен соң сәби ауырып, көз жұмады. Дәрігерлер оның өлгендігін растаған. Оның денесі 23 сағат бойы -12 градустық температурадағы мәйітханада жатады. Ертеңінде оны кремациялау үшін алып шыққан уақытта сәби жылай бастайды. Бұл жағдайдан кейін оның өлгендігін растаған дәрігердің өзі аң-таң болып отыр. Дайындаған: Д.Изгуттинова
Источник: http://24.kz/kz/
