Израильде жолаушыларға суретін Айға жіберуге ұсыныс жасалуда. Бен-Гурион әуежайында 2017 жылы айға ұшырылғалы отырған ғарыш кемесінің көшірмесі қойылған. Ал жолаушылар ғарыш аппаратының жанына барып селфиге түсіп, оны әлеуметтік желіде арнайы хештег арқылы жариялауы керек. Сосын бұл суреттер ғарыш кемесімен бірге жер серігі арқылы айға ұшырылады. Аталмыш аппарат Google X PRIZE байқауы аясында құрастырылған. Жеңімпаз 30 млн доллар көлемінде сыйлық алады. Жарысқа 12 елден 17 команда қатысуда. Эран Прифман, жобаны құрастырушы: — Бұл кеме арнайы Google жарысы аясында құрастырылды. Ол айға барып қонатынына сенімдіміз. Бүгінге дейін табиғи жер серігіне Ресей, Қытай АҚШ елдерінің өкілдері қонған. Біз Израиль төртінші мемлекет атануы үшін жұмыс істеп жатырмыз. Жобаның құны – 60 млн доллар. Селфи акциясы бұл жоба туралы көптеген адамдардың білуіне жәрдемдеседі. Негізінде Айға фотосуреттермен бірге ғылыми құрылғыларды да жібереміз. Біздің мақсатымыз – Айдың қалай пайда болғанын білу.
Источник: http://24.kz/kz/
