Бүгін таңертең Алматы жол бөлімшесінің Достық — Алашаңқай қума жолындағы 6-бекетінде екі жүк пойызы соқтығысып қалды. «Қазақстан Темір Жолы» ұлттық компаниясы баспасөз қызметінің хабарлауынша, локомотивті өрт шалып, вагондар рельстен шығып кеткен. Зардап шеккендер жоқ. Алдын ала мәлімет бойынша, «Достық» стансасынан жүргелі тұрған жүк пойызына тежегіші істен шыққан «Түрксіб транс тасымалы» жекеменшігіндегі локомотив келіп соғылады. Оқиғаға қатысты арнайы комиссия құрылып, жұмысқа кірісіп кетті. Жолаушылар пойыздары кестеден кешіккен жоқ.
Источник: http://24.kz
