[:kz]
Әлеуметтік желіде әйел адамды көлікке отырғызу үшін арқасын тосқан әскеридің суреті әлеуметтік желіде тарауда. ТЖК ресми өкілі Нұрсұлтан Нұрахметов бұл суреттің тарихын айтып берді деп хабарлайды KAZ.NUR.KZ.
Фото: ҚР ІІМ ТЖК
Оның сөзінше, сурет Instagram-да 56 мың лүпіл мен мыңнан аса жағымды пікір жинаған.
ТЖК өкілінің сөзінше, суретте Шымкент қаласының төтенше жағдайлар департаментінің өрт сөндірушілері Абылай Бабаханұлы Бабахан, Бексұлтан Миятұлы Ибадулла, Үсен Асқарұлы Қазыбек, Эльдар Владимирович Қырықбаев.
Белгілі болғандай жігіттер Арыс тұрғынын қаладан эвакуациялау үшін көлікке отырғызуда.
Бұл көлікке отырғандар Шымкент қаласына жеткізілгені хабарланды.
Фото: ҚР ІІМ ТЖК
Сондай-ақ, ТЖД қызметкерлерінің баланы отырғызып жатқан кездегі сурет те бар екен.
Естеріңізге сала кетейік, Арыстағы әскери қоймада болған жарылыстың салдарынан үш адам қаза болды. Бірінші болып көз жұмған әскеридің артында төрт баласы қалған.
Сонымен қатар, екі әскери қазіргі уақытта ауыр халде жатыр.
[:]
