[:kz]
26 ақпан – терезе жуушылар күні. Осы бір датаны атап өтуді алғаш америкалық терезе жуушылар қауымдастығы ұсыныпты. Аспанмен астасқан ғимараттардың терезесі мен қасбетін тазалайтын биіктен қорықпайтын батыл жандардың күні бертін келе кәсіби мерекеге айналған. Зәулім ғимараттар Қазақстанда көп болмаса да, бұл кәсіп түрін игергендер елімізде баршылық. Солардың бірі – Жандос Шаймулдаев. Бала кезінен биікке құмар азамат Қамшы тілшісіне кәсібі туралы айтып берді.
Жандос Шаймулдаев – үш баланың әкесі. Оның айтуынша, тапқан табысы тапсырыстың ауқымына байланысты. Кейде бір айда 100 мың теңгеге жетпесе, келесі айда 1 млн табуы да мүмкін.
[:]
