[:kz]
|
Әлеуметтік желіде Ресей әскерінің жеңіспен оралуын тілеп, «Алғыс» амалын жасаған якуттардың видеосы тарады. |
Аталған видеоны Руслан Түсіпбеков жүктеді, деп хабарлайды Caravan.kz медиа порталы.
Бейнекөріністе әлдебір адам «Біз бүгін алғыс амалын жасадық, оның мақсаты біздің жеңімпаз армиямыз жеңіспен оралсын, біздің бауырларымыз аман-есен оралсын деген ой. Біздің ортақ отанымыз Ресей үшін уруйй!», деп айғайлайды.
«Мазасыз якуттар. Ресей армиясы мен Украинадағы соғысты қолдау мақсатында тағы да флешмоб ұйымдастырды. Соларға қарап, Тәуелсіздігімізге мыңыншы рет шүкіршілік етемін. Бірақ мойындау керек, Ресейдің басқа халықтары мұндай флешмобтарды ұйымдастырмайды, өйткені олар Путиннің бейбіт елге қарсы сойқан соғыс ашқанын түсінеді. Якуттар оны неге сонша қолдап отыр? Білмеймін, мен үшін бұл үлкен жұмбақ. Мүмкін бұл кейбір халықтардың тарихи ерекшеліктеріне байланысты шығар?,- деп жазды автор Руслан Түсіпбеков.
Көпішілкті Ресей әскерін ашық қолдағын якуттардың әрекеті таң қалдырды. Енді бірі олардың да қазақтар сияқты «Алғыс» деп айтатынына таңдай қақты. «Бодан болсаң осы ғой» десті басқалары.
[:]
