[:kz]
Адам ағзасы, мүшелері өмір сүруге лайықталып жаратылған. Құдайдың құдіретінешек жоқ дерсіз, негізі, адамда артық ағза жоқ. Бірақ түрлі аурулар мен қатерлі ісіктерге шалдыққанда кейбір ағзаларды түгел алып тастап, қалыпты өмір сүре беруге болады. Сонымен, қандай ағзалардың қажеттілігі төмен?
Медицина ғалымдары адамға ақыл тістері мен соқыр ішектің қажеттілігі туралы әлі дауласып келе жатыр. Біріншісі, жанға батып бара жатса, жеңілдеу «құтылатын» дүние. Ал соқыр ішектің толып қалуы нәтижесінде адам пышаққа түсуге мәжбүр болады. Адамдардың басым бөлігінің соқыр ішекті 20-25 жасына дейін алдырып тастайтынын алға тартқан ғалымдар бұл ағзаны мүлде қажетсіз деп санайды. Ал қарсы топ ағза толық қалыптасқанша асқортыу жүйелерінің артық заттармен бүлінбесі үшін соқыр ішекті қажет деп есептейді.
Адам қай жасында соқыр ішектен арылса да, бұл мүшесіз өмр сүре береді. Сондай-ақ, соқыр ішектің жоқтығы адамға ешқандай қолайсыздық пен ауырсыну туғызбайды.
Соқыр ішектен өзге ішкі ағзалардың барлығы адам баласына қажет. Дегенмен, олардың белгілі бір бөлігімен де бірқалыпты өмір сүруге әбден болады.
Мысалы, адам баласы бір бүйрекпен өмір сүре алады. Бір бүйрекпен алаңда доп теуіп жүрген футболшылар да бар. Сонымен қатар, өкпенің бір жағымен, асқазанның жартысымен, бауырдың жарты бөлігімен амалдап күн көруге болады. Сонымен қатар, көпшілік өт жолы ақауына ұшырайды. Осы ретте адам ағзасы өтсіз де өмір сүре алатынын айта кеткен жөн.
«Адам ағзасының 25 пайызын алып тастаған күнде де тірі жүруге болады», — деп тәмсіл айтады ғалымдар тобы. Бірақ аталған мүшелерді алып тастауға душар болған жандар қатаң диета мен түрлі дәрі-дәрмектерді уақытылы қабылдап жүруі тиіс.
Қалай десек те, адамдар ағзасын алып тастауды дәрігерлер оның өмірін сақтап қалудың ең соңғы жолы ретінде көреді.
«Адам ағзасының ақаулары» деген кітабында Чип Роу «Көлік үш дөңгелекпен те жүре алады, бірақ бұл төрт дөңгелектің орынын алмастыра алмайды» деп жазады. Ағзаларыңызға ақау түспесін!
[:]
