АЛТЫНОРДА
Новости Казахстана

[:kz]Ер адам педофилден 10 жасар баланы құтқарып қалғанын үшін түрмеге жабылмақ[:]

[:kz]

 

Уфада ер адам 10 жасар балаларды педофилден құтқарғаны үшін тергеу изоляторында отыр. Ол соттың бұлтартпау шарасын таңдау туралы шешімін күтуде.

Ол ауыр қылмыс жасалды — өлімге алып келетін ауыр дене жарақатын келтірді деп айыпталды, бірақ ер адамның туыстары мен достары оның ерлік жасап, баланы бұзақының шабуылынан сақтап қалды деп отыр.

30 қаңтар күні Владимир үйге түстен кейін қайтып келе жатады. Аялдамада оған 10 жасар бала жүгіріп келіп, көз жасын тыя алмай көмек сұрайды. Ол досын әлдекімнің зорлағысы келіп жатқанын айтады.

Бала өзінің досымен бірге көшеде қар ойнап, жылыну үшін подъезге кіргенін айтты. Сол жерде таныс емес біреу оларға жақындап, подъезде не істеп жатқандарын сұрады, содан кейін ол балаларды үйіне кәмпитпен шай ішуге шақырады. Сонымен қатар «қызықты бір нәрсе» көрсетуге уәде берді.

Балалар келісіп пәтерге кіреді, бірақ олар пәтерге кіре салысымен, ер адам оларды шешінуге бұйырады және жыныс мүшелерін көрсетуді талап етеді. Жігіттер қорқып, қашпақ болғанымен бейтаныс адам оларға айтылған нәрсені орындамаса, балтамен ұратынын айтып қорқытады. Бір бала қашып кетіп, көшеге жүгіре жөнеледі. Ол жерде Владимирмен кездесіп, көмек сұраған еді », — дейді айыпталушының досы Роман.

Романның сөзіне қарағанда, Владимир сол апатқа ұшыраған пәтерге дереу жүгіріп барып, есікті қаға бастайды. Есікті ер адам ашты, екінші бала кіреберісте жылап тұрды. Ашуланған Владимир үй иесін көшеге шығарып, не болғанын сұрай бастады.  Осы кезде екеуі төбелесіп кетті.

«Менің досым оны қатты соққыға жықты. Ол құлап, басын ұрған. Владимир бірден жедел жәрдем мен полиция шақырды. Ер адам ауруханаға жеткізіліп, сол жерде қайтыс болды. Менің досымды полиция бөлімшесіне алып келді, қазір оған «жәбірленушінің өліміне алып келген ауыр дене жарақатын келтіру» бабы бойынша айып тағылды», — дейді Роман.

Адвокат айыптаудың ауыр екенін, тіпті шартты түрде үкім шығарылған кезде де түрмеге отырмауы мүмкін еместігін айтты. Тіпті сол жігіттің әпкесі Владимирге қарсы шағымы жоқ екенін бірден айтқан.

Сондай-ақ, досы айыпталушының адвокаты келтірген деректерге сүйене отырып, қаза тапқан 53 жастағы Владимир Зайцев түрмеден тек 2019 жылдың жазында шыққанын, ол жерде бала зорлағаны үшін 11 жыл отырғанын айтады. Ер адам пәтерінде жалғыз тұратын, оның жақын туыстары жоқ, полиция келіп үнемі тіркеліп тұратын.

«Біз көршісімен сөйлескен едік, ол Владимирдің балаларды қалай әкелгенін терезеден көргенін растады. Балалар шыныменоқиғаның қалай болғанын айтты. Менің досым балаларды педофилден құтқарғаны белгілі болды, бірақ бұл факт сот шешімін қабылдаған кезде жеңілдететін жағдай ғана болады. Владимир — үлгілі отбасы адамы, өзінің балалары бар. Әйелі әлі болған жағдайға сене алмай, қатты жылап отыр. Адвокаттың айтуынша, Владимир кез келген жағдайда жоқ дегенде бес жылға бас бостандығынан айырылуы мүмкін. Біз бұған ашуланамыз: иә, Владимирге төбелесудің қажеті жоқ еді, полиция келгенге дейін бұзақыны ұстап отыруы керек еді, бірақ оның балаға жасалған әрекеті туралы естігенде не сезінгенін елестетіп көріңіз! Енді біз осы оқиғаға қоғамның назарын аударғымыз келеді, өйткені біз ерлік жасаған адамымызды құтқарғымыз келеді», — деді досы.

https://stan.kz/er-adam-pedofilden-10-zhasar-balani-kytkarip-kalganin-u-326932/

[:]