[:kz]
«Базар басшылығы алтын бұйымдарын сатуға шығарып, адамдардың көп шоғырлануын тудырды», — дейді Жетісу ауданының әкімі.
Жетісу ауданының әкімі Мақсат Қиқымов Instagram парақшасына Алматының «барахолка» базарында адамдардың жаппай сауда жасап жүргені түсірілген видео жүктеді, деп жазады Skifnews.kz ақпарат порталы.
«Апта сайын тұрғындар арасында коронавирустық инфекцияның таралуын болдырмау мақсатында Жетісу ауданының КБМТУ (аудандық СЭС) қызметкерлері Жетісу ауданы әкімі аппаратының және полиция басқармасының қызметкерлерімен бірлесіп, кәсіпкерлік объектілері бойынша санитарлық-эпидемиологиялық нормаларды сақтау үшін тұрақты негізде рейдтер жүргізеді.
Сонымен, рейд барысында мобильді топ «Алатау-1» базарында шектеу шараларын сақтамау фактілерін анықтады. Базар басшылығы алтын бұйымдарын сатуды жолға шығарып, адамдардың көп шоғырлануын тудырды. Әлеуметтік қашықтық шаралары сақталмады, еденде белгілер болмады. Осыған байланысты, «Достар Сауда» ЖШС-не қатысты ҚР ӘҚБтК 425-бабының 1-бөлігі бойынша 861 мың теңге сомасына әкімшілік хаттама толтырылды» деп жазды әкім.
[:]
