10 мыңнан астам бітімгер Украинаға жіберілуі мүмкін –Ұлыбритания премьер-министрі Кир Стармер

Ұлыбритания премьер-министрі Кир Стармер Украинаға 10 мыңнан астам адамнан тұратын батыстық бітімгер күштерін құру жоспарын ұсынды.

Ол бастапқыда құрлық әскерін жіберуді ұсынған үш елден әлдеқайда көп мемлекеттің қолдауына ие болғанын мәлімдеді, деп хабарлайды Altyn-orda.kz The Sunday Times-ке сілтеме жасап.

Фото: depositphotos.com/Tennessee

Жуырда өткен Еуроодақ елдері көшбасшылары мен НАТО өкілдерінің онлайн-конференциясында Стармер негізінен Ұлыбритания мен Франция тарапынан ұсынылатын бітімгер күштерін құру идеясын ортаға салды. Алайда, басқа елдер де әртүрлі қолдау көрсетуге дайын екендерін білдірді.

Ақпаратқа сәйкес, шамамен 35 мемлекет қару-жарақ жеткізуге, сондай-ақ миссияға материалдық-техникалық және барлау көмегін көрсетуге келісім берді. Кездесу қатысушыларының пікірінше, бұл Ресейдің жаңа басқыншылығын болдырмауға ықпал ете алады, сонымен қатар  Ресей мен Украина арасында атысты тоқтату режиміне қол жеткізілсе.

Стармер көпұлтты бітімгер күштерін құру жоспары «операциялық кезеңге» көшкенін атап өтті. Франция президенті Эммануэль Макрон еуропалық сарбаздарды Украинаға орналастыру мәселесі Мәскеудің пікіріне қарамай, Киевпен келіссөздер арқылы шешілетінін мәлімдеді.

Altyn-orda.kz