Алматы қаласының мемлекеттік мүлік және жекешелендіру комитеті құны 52,2 миллион теңге болатын Apple техникаларын мемлекеттік органдардың біріне тегін бермек. Бұл туралы Stan.kz ақпарат агенттігі хабарлайды.
Protenge Telegram-арнасының мәліметінше, мемлекеттік органдар iPhone 13 және 14 моделіндегі 70 жаңа телефон мен 3 Macbook, 1 құлаққапты тегін аукцион арқылы ала алады.
«Егер мемлекеттік органдарға компьютерлер шынымен керек болған күннің өзінде оларға 70 айфон мен құлаққаптың не үшін қажет екені бізге белгісіз», – деп жазды авторлар.
Айта кетейік, тәркіленген мүліктерді мемлекеттік органдарға тегін беру – заңды процесс. Мүлікті аукцион жарияланғанда бірінші болып өтініш берген орган алады. Бұған дейін 32 миллион теңге болатын жол талғамайтын көлік дәл осылай Ұлттық қауіпсіздік комитетіне берілген еді.
