ЕО Ресейге қарсы рекордтық көлемде санкциялар енгізді

2025 жылғы 20 мамырда Еуропалық Одақ елдерінің сыртқы істер министрлері Ресейге қарсы тарихтағы ең ауқымды санкциялар пакетін мақұлдады. Бұл туралы Altyn-orda.kz хабарлайды.

Брюссельде өткен ЕО Сыртқы істер кеңесінің отырысында бірден төрт түрлі санкциялық режим аясында шектеу шаралары қабылданды. Олар мынадай себептерге байланысты енгізілді:

• Украинаға қарсы агрессиялық соғыс

• Адам құқықтарының өрескел бұзылуы

• Батыс елдеріне қарсы гибридтік әрекеттер

• Химиялық қаруды қолдану

Санкциялар кімдерді қамтиды?

Жалпы саны 130-дан астам жаңа санкция енгізілді. Олар мына салаларға әсер етті:

• Ресейдің әскери-өнеркәсіптік кешені

• Т.н. «көлеңкелі флот» және оны қолдаушылар

• Үшінші елдерден санкциялық өнім жеткізушілер

• Пропаганда мен жалған ақпарат таратушылар

17-санкциялық пакет

Украинаға қарсы соғыс үшін енгізілген 17-пакет шеңберінде:

• 75 жаңа жеке және заңды тұлға

• 189 кеме санкциялық тізімге енгізілді

Осылайша, ЕО санкциялық тізіміндегі жалпы саны 2400-ден астам адам мен 342 кеме болды.

Болашақ шаралар

Еурокомиссия төрағасы Урсула фон дер Ляйен Еуроодақ Ресейге қарсы жаңа ірі санкциялар пакетін әзірлеп жатқанын хабарлады. Бұл пакет жақын арада ЕО Кеңесінің отырысында талқыланбақ.