ШҚО-да орыс тілді балалар қазақ отбасыларында тұрып, мемлекеттік тілді үйреніп жүр

Өңірде мектеп оқушыларын тілдік ортаға енгізу арқылы мемлекеттік тілді үйретуге бағытталған «Қонақ отбасы» жобасы сәтті жүзеге асырылып келеді. Үшінші жыл қатарынан нәтиже беріп келе жатқан бағдарлама аясында балалар қазақ тілін мәжбүрлеусіз,  үй жағдайында үйренудедеп хабарлайды Altyn-orda.kz-

Жоба 2023 жылы басталды. Ол кезде Өскемен мен Алтай қалаларынан 67 бала Катонқарағай ауданының көркем табиғаты аясында орналасқан қазақ отбасыларында 20 күн өткізді. Келесі жылы қатысушылар саны екі есеге жуық артып, 120 жеткіншекке жетті. Биылғы жазда жобаға Шығыс Қазақстанның әр аймағынан — Өскемен, Риддер, Шемонайха, Алтай, Глубокое, Зайсан және Тарбағатай аудандарынан 140 бала қатысты.

Күнделікті өмірде  қазақ тілінінде ғана сөйлеседі 

Жобаның форматы дәстүрлі қазақ тілі сабақтарын қарастырмайды. Балалар қазақ отбасыларында тұрады, барлық қарым-қатынас мемлекеттік тілде жүреді. Нәтижесінде балалар тек жаңа сөздерді үйреніп қана қоймай, мәдениет пен тұрмысқа да бойсынады .

«Бастапқыда баруға сәл қорықтым, кейін кеткім келмеді.

Арнайы сабақтар болмады, бірақ бәрін  тез ұйрендім  — бәрі тек қазақша сөйлейді. Нұргүл-апай сиыр сауып жатты — енді мен “сиыр сауу” дегенді білем. Досым Жігер атқа мінді — “атқа міну”. Біз қазақша ет дайындадық — мен кеспе жасауды үйрендім. Бұл — қазақтардың басты тағамдары ет , оған сарымсақ қосылады», — дейді Өскемен қаласынан келген алтыншы сынып оқушысы Саша Борисов.

Сашаның анасы Мария Борисованың айтуынша, ұлы үйге тек жаңа әсерлер мен достар алып қана оралған жоқ, сонымен қатар қазақ тілін күнделікті өмірде еркін қолдануға деген сеніммен келді. Балалар қонақ болып барған отбасыларымен және жаңа достарымен күн сайын хабарласып тұрады екен.

Жоба туралы

«Қонақ отбасы» — тілді үйренудің тиімді жолдарының бірі ретінде мәдени алмасу мен шынайы қарым-қатынасқа негізделген жоба. Бұл бастама тілдік кедергілерді жоюға және көпұлтты Қазақстандағы азаматтық бірлікті нығайтуға үлес қосады.