Әйелін ұрып-соққан Рахат Тұрлыханов сотта ескертумен құтылды

Әнші Рахат Тұрлыхановқа жұбайын ұрып-соққаны үшін ескерту жазасы тағайындалды. Бұл туралы сот өкілдері хабарлады. Алматы қаласының әкімшілік құқық бұзушылық жөніндегі мамандандырылған ауданаралық соты Рахат Тұрлыхановқа қатысты әкімшілік істі қарады.

Ол өз жұбайын ұрды деп айыпталды, бұл ӘҚБтК-нің 73-2-бабының 1-1 бөлігі. «Сот өткен жылдың желтоқсан айында Т. үйде жанжал шығарып, жұбайын ұрып-соққанын анықтады.

Сотта Т. кінәсін мойындады, жасаған ісіне өкініп, іс бойынша іс жүргізуді тараптардың татуласуы үшін тоқтатуды сұрады. Жұбайы іс материалдарында баяндалған фактілерді растап, Т.-мен татуласқанын хабарлады», — деп хабарлады соттағылар.

Сонымен қатар баптың санкциясы ескерту түрінде әкімшілік жаза немесе 10 тәулікке қамауға алуды көздейді. Алайда Тұрлыханов кінәлі деп танылып, өзге жаза — әкімшілік ескерту алды. Сот шешімі заңды күшіне енген жоқ, деп қосты соттағылар.

kaz.nur.kz