АҚШ Қырғызстанға қарсы санкция дайындап жатыр

АҚШ  Қырғызстанға санкция салуға дайындалып жатыр. Stan.kz ақпарат агенттігі Washington Post басылымына сілтеме жасап хабарлайды.

АҚШ президентінің әкімшілігі Қырғызстанның санкция салынған тауарларды Ресейге жеткізуін тоқтату үшін қысым көрсету мақсатында жаңа экономикалық шараларды әзірлеп жатыр. Ресейге тыйым салынған тауарларды жеткізген компанияларды қара тізімге енгізіп, оларға санкция салуда.

Бірнеше америкалық және еуропалық дипломаттардың Қырғызстан астанасы Бішкекке жасаған сапарларынан кейін Байден әкімшілігі жаңа экономикалық шараларды әзірлеп жатыр.

«Бұрын санкция салу немесе заңсыздықтар үшін айыпталған компаниялардың қара тізіміне енгізу әрекеттері осы аптаның басында қабылдануы мүмкін», — делінген хабарламада.

Жалпыға қолжетімді сауда құжаттары Қырғызстанның көлеңкелі нарығының ауқымы туралы түсінік береді. Есептер Қырғызстанның Ресейге экспортының жалпы көлемі 2022 жылы артқанын көрсетеді. Сондай-ақ, Ресей Украинаға басып кіргенге дейін өткен жылмен салыстырғанда 250 пайызға өскен.

«Қырғызстан басқа елдермен салыстырғанда шағын болғанымен, барлық фактордың бір уақытта санкцияларды айналып өтуіне жол берген», — деді шенеуніктердің бірі.

Басылымның хабарлауынша, АҚШ Қырғызстаннан Ресейге тасымалданып жатқан қытайлық DJI Agras T30 ұшқышсыз ұшу апараттарының 14 партиясын Қазақстанда ұстағаны туралы хабарға ерекше назар аударған. Кедендік мекеме жеткізушінің тауарды тасымалдауға лицензиясы жоқ екенін айтты.

Washington Post газеті Қырғыз билігі Қытайдың ұшқышсыз ұшақтарын Ресейге экспорттау әрекеті туралы ақпаратқа түсініктеме беруден бас тартқанын айтты. Алайда америкалық басылым АҚШ-тағы Қырғызстан елшілігінен түсініктеме алды. Елшілік Мәскеумен сауда-саттықтың артуы ішінара ел шекарасы арқылы тауарлардың қозғалысын бақылайтын электрон жүйелердің жетілдірілуіне байланысты екенін айтты.

«Қырғызстан мен Ресей Еуразиялық экономикалық одаққа мүше, ал жалпы Ресей біздің негізгі сауда серіктестеріміздің бірі», — деді Қырғызстанның АҚШ-тағы елшілігінің қызметкері.