Алакөлде 63 жастағы әйелді қайық басып кетті: Ол оқиға орнында көз жұмды

Алакөл көлінде қайық 63 жастағы әйелді басып кетті. Бұл туралы   Altyn-orda.kz    Stan.kzақпарат агенттігіне сілтеме жасай отырып  хабарлайды. 

Қайғылы оқиға жағадан 200-250 метр жерде болған, әйел жүзіп бара жатқанда, қайық оны басып кеткен. Ол ауыр жарақаттардан мерт болды. 

Абай ауданының полиция басқармасы көлде жүру қауіпсіздігі ережелерін бұзу фактісі бойынша қылмыстық іс қозғалды. 

“Катер жүргізушісі уақытша ұстау изоляторына қамалды, іс бойынша сараптама тағайындалды. Оқиға орнында уәкілетті органдар тексеру жүргізіп жатыр. Тергеу жалғасып жатыр. Оның қорытындысы бойынша заңға сәйкес процессуалдық шешім қабылданады”, – делінген хабарламада.

Туризм және спорт министрлігі марқұм әйелдің туыстары мен жақындарына көңіл айтты. Алайда олар су көлігі қызметін реттеу мәселелері, соның ішінде лицензиялау, басшылыққа қабылдау, техникалық байқау және шағын көлемді кемелерді тіркеу бөлімнің құзыретіне кірмейтінін атап өтті.

Туризм және спорт министрлігі көлік министрлігіне, ішкі істер министрлігіне, сондай-ақ жергілікті атқарушы органдарға судағы демалыс орындарында қауіпсіздікті бақылауды күшейту және алдағы уақытта осындай қайғылы оқиғалардың алдын алу үшін барлық қажетті шараларды қабылдау туралы шұғыл ұсыныспен ресми сауалдар жолдады.

Еске салсақ, осыған дейін мемлекет басшысы Қасым-Жомарт Тоқаев Алакөл маңындағы туристік аймақтардың жағдайын дұрыстаудытапсырған.