Алматыда балабақшаның аула сыпырушысы балаларға жыныстық азғындық жасаған деп айыпталуда

Адвокат Айман Омарова Алматының Бостандық ауданындағы жекеменшік балабақшалардың бірінде ер адам балаларды азғындағанын айтты. Бұл туралы Stan.kz ақпарат агенттігі хабарлайды.

Оның айтуынша, ер адам балабақшада бағбан және аула сыпырушы болып жұмыс істеген. Балалар ер адам оларды белгілі бір жергеге апаып, олардың әурет жерлерін ұстағанын айтты. Әоі мұның бәрін жасыруды өтінген. Бірақ бүлдіршіндер ата-аналарына болған оқиғаның егжей-тегжейін айтып берді. Әзірге бес жасқа дейінгі кем дегенде алты баланың құрбан болғаны белгілі.

«Ата-аналар прокуратураға және Алматы полиция департаментіне хат жазды. ПД тергеушілерінің бірі Данияр Алтынбекпен сөйлестім. Ол маған істі Бостандық ауданына тергеу бойынша жібергендерін айтты, өйткені бұл балабақша сол жерде орналасқан. ҚК-нің 124-бабы “Жас балаларды азғындық жолға түсіру” бойынша қылмыс белгілері бар екеніне күмәнім жоқ және бірнеше рет, өйткені жәбірленушілер алты адамнан асады», – деді заңгер.

Сонымен қатар, балалардың ата-аналары балабақша басшылығына жүгінді, олар оны анықтауға уәде берді, бірақ соңында олар ешқандай әрекет жасамады.

Алматы полиция департаменті қылмыстық іс ҚК-нің 124-бабы, 3-бөлігі бойынша тіркегенін хабарлады. Оны Бостандық аудандық полиция басқармасы тергеп жатыр. Күдікті ұсталды.

«Болған оқиғаның объективті мән-жайларын анықтауға бағытталған тергеу әрекеттерінің кешені жүргізілуде, оның нәтижелері бойынша қылмыстық іс бойынша процестік шешім қабылданады. Сотқа дейінгі тергеу барысы ПД басшылығының бақылауында», – деп хабарлады құқық қорғау органдары.